Abstract
Ժամանակակից աշխարհում դեռևս շարունակվում են քաղաքներից շատերի հիմնականում չպլանավորված քաղաքայնացումը, դրանից բխող բազմաթիվ բացասական հետևանքներով. աղտոտված օդ, քաղաքի տնտեսական զարգացման ցուցանիշների նվազեցում, բնակչության առողջապահական լուրջ խնդիրներ, կլիմայական պայմաններին չդիմացող ենթակառուցվածքներ, հիմնական ծառայությունների մատուցման խոչընդոտներ, սոցիալական ներառման ու հնարավորությունների բացակայություն և այլն: Երևան քաղաքի օդի աղտոտվածությունը խիստ մտահոգիչ է, որն անմիջական ազդեցություն ունի ինչպես բնակչության առողջության, այնպես էլ շրջակա միջավայրի բնապահպանական անվտանգության և սոցիալ-տնտեսական ցուցանիշների վրա: Խնդիրը տարեցտարի ավելի է սրվում՝ հաշվի առնելով բնակարանաշինության աճող ներկա տեմպերը և դրանց ընթացքում բնապահպանական նորմատիվների խախտումները, քաղաքի շրջակա հատվածներում ոչ մետաղական հանքերի բաց շահագործումը: Մայրաքաղաքի բնապահպանական իրավճակի և անվտանգության վրա իրենց անմիջական ազդեցությունն են թողնում շահագործվող տասնյակ հազարավոր ավտոտրանսպորտային միջոցները, այդ թվում նաև հասարակական տրանսպորտը, որոնց մի զգալի մասը չի բավարարում բնապահպանական պահանջներին, դրանից բխող հետևանքներով: Վերը նշվածը պահանջում է համալիր միջոցառումների մշակում և իրականացում, որը հնարավորություն կտա բեռնաթափել մայրաքաղաքը, լավացնել հասարակական տրանսպորտով տրանսպորտային ծառայությունների մատուցման և մայրաքաղաքի օդի որակը:
Sign-in/Register to access full text options 
Free) 
Talk to us
Join us for a 30 min session where you can share your feedback and ask us any queries you have
Schedule a call
