Abstract
Məqalədə 1980-2021-ci illər MERRA-2 reanaliz məlumatlarına əsasən və müxtəlif statistik metodların tətbiqi ilə Şimali, Orta və Cənubi Xəzərin səth temperaturunda baş verən dəyişikliklər və onları yaradan səbəblər tədqiq edilmiş, həmçinin müvafiq xətti trendlər statistik üsullarla qiymətləndirilmişdir. Baxılan dövrdə dənizin hər üç hissəsində illik orta səth temperaturunun artması qeydə alınmışdır. Ən böyük artım Orta Xəzərdə (0,392 ºC/10 il), ən az isə Şimali Xəzərdə (0,202 ºC/10 il) müşahidə edilmişdir. Cənubi Xəzərdə səth temperaturunun artım tendensiyası 0,299 ºC/10 il təşkil edir. Qlobal istiləşmə və Xəzər dənizi səviyyəsinin azalması şəraitində akvatoriyanın müxtəlif hissələrində səth temperaturunun ilin müxtəlif fəsilləri üzrə fərqli dəyişmə tendensiyaları aşkara çıxarılmışdır. Bütün fəsillərdə səth temperaturunun bu və ya digər dərəcədə artması qeydə alınır, lakin yalnız qış fəslində Şimali Xəzərdə səth temperaturu nəzərəçarpacaq azalma tendensiyasına malikdir.
Talk to us
Join us for a 30 min session where you can share your feedback and ask us any queries you have