Z badań nad ludowymi rzeźbami kamiennymi Matki Boskiej z Dzieciątkiem na Środkowej Łemkowynie oraz ich domniemanym twórcą

Abstract

З досліджынь над народныма камінныма різбами Богородиці з Ісусом на серединовій Лемковині і іх правдоподібным творцьомДосліджыня над народном камінном різбом на Лемковині зачали ся аж в 60. роках ХХ ст. Пару занимаючых ся том темом дослідників, головні етноґрафів, згромадило основны знаня о народным лемківскым каменярстві, о майстрах з ХІХ-ХХ-вічного каменярского осередка в Бортным, Перегонині, Бодаках, Фолюшу, о засобах суровин для окремых варштатів, а тіж основных плястычных приметах крестів, капличок, придорожных фіґур і нагробных форм выконуваных на Лемковині. Докладна інвентаризация тых форм при дорогах Лемковины і на цмонтерях принесла інтересуючы усталіня, што односят ся до еволюциі тых різбярскых творів – особливі камінных крестів. Білом плямом оставали до того часу сохранены приміры камінной фіґуральной різбы Лемків. В статі піднята єст адже проба стилістычного аналізуваня стислого ансамблю парунадцетьох різб Богородиці з Ісусом, што іх плястычны приметы дозваляют приняти, же тоты – што походят з років 1869 1894 – фіґуры вытесаны были долотом єдного, лемківского творці. По проведіню докладных розважань, выказуючых сутьовы повязаня єдной з тых фіґур з камінным придорожным крестом з Чорного (1869), можливе было вказаня назвиска того – до того часу незнаного – різбяря.