Abstract
Líðan starfsfólks getur haft rekstrarleg áhrif á fyrirtæki og því er mikilvægt fyrir stjórnendur að leggja áherslu á að starfsfólki líði vel. Yfirmenn geta aukið líkur á því með því að leggja áherslu á að eiga í góðum samskiptum við það. Markmið rannsóknarinnar var að kanna tengsl á milli upplifunar af óyrtum samskiptum yfirmanns og tilfinningalegri líðan starfsfólks. Einblínt var á þrjár gerðir tilfinningalegrar líðan sem eru mikilvægar þegar kemur að líðan starfsfólks í vinnu; tilfinningalegan stuðning, tilfinningalega vinnu og tilfinningalegt gildi. Í gegnum rafrænt hentugleikaúrtak fengust svör frá 802 einstaklingum á vinnumarkaði. Niðurstöðurnar sýndu að upplifun á óyrtum samskiptum yfirmanna hefur jákvæð tengsl við tilfinningalegan stuðning sem felst m.a. í því að yfirmenn séu aðgengilegir og hlusti á starfsfólk. Upplifun á jákvæðum óyrtum samskiptum yfirmanna reyndist jafnframt draga úr skynjun starfsfólks á tilfinningalegri vinnu en slík vinna getur verið óæskileg og haft neikvæð áhrif á starfsfólk. Að auki sýndu niðurstöðurnar að skynjun starfsfólks á tilfinningalegu gildi er jákvæðara ef það upplifir jákvæð óyrt samskipti frá yfirmanni sínum, en fyrri rannsóknir hafa sýnt að jákvætt tilfinningalegt gildi hefur jákvæð áhrif á starfsánægju og leiðir til jákvæðrar hegðunar inni á vinnistöðum. Miðað við niðurstöður rannsóknarinnar eru það fyrst og fremst óyrt samskipti sem snúa að andlitstjáningu og líkamstjáningu sem skýra tilfinningalega líðan starfsfólks. Yfirmenn ættu því að leggja áherslu á að halda augnsambandi við starfsfólk sitt þegar samskipti eiga sér stað og sýna jákvæð svipbrigði eins og bros. Jafnframt ætti að leggja áherslu á afslappaða en líflega líkamsstöðu, t.d. með því að nota hendurnar þegar talað er. Rannsóknin styrkir fræðilegar undirstöður varðandi samskipti á vinnustað og veitir innsýn í lítið rannsakað viðfangsefni á sviði stjórnunar.
Highlights
Employees’ well-being can influence companies’ perfomance and it is important for managers to do what they can so their employees are feeling well at work
92 | Tímarit um viðskipti og efnahagsmál employees well-being at work; emotional support, emotional work, and emotional valence
Through an online convenience sample answers were collected from 802 individuals in the labor market
Summary
Það eru ekki bara persónulegir hagsmunir starfsfólks að þeim líði vel í vinnunni heldur getur líðan þeirra beinlínis haft rekstrarleg áhrif á fyrirtæki. Þó svo að rannsóknir hafa sýnt hversu veigamikill þáttur óyrt samskipti eru í daglegu lífi er skortur á slíkum rannsóknum í tengslum við vinnuumhverfið í heild (Bonaccio, O’Reilly, O’Sullivan og Chiocchio, 2016; Darioly og Schmidt, 2014; Fuller o.fl., 2011; Gkorezis, Bellou og Skemperis, 2015; Jia, Cheng og Hale, 2017). Í þessari rannsókn er hins vegar farið dýpra í tilfinningalega líðan með því að bæta við þriðju víddinni; tilfinningalegu gildi. Í ljósi þess að líðan starfsfólks getur haft bein áhrif á rekstrarlegan árangur fyrirtækja er vitneskja um með hvaða hætti sé hægt að aðlaga hegðun til að auka líkur á að hafa jákvæð áhrif á líðan gagnleg stjórnendum
Talk to us
Join us for a 30 min session where you can share your feedback and ask us any queries you have