Abstract
Niðurstöður rannsókna á erlendum vettvangi sýna að hlutverk aðstoðarskólastjóra í stjórnun og forystu skóla verður umfangsmeira eftir því sem kröfur um árangur nemenda aukast og skólastarf verður flóknara. Einnig sýna rannsóknir að hlutverk aðstoðarskólastjóra í grunnskólum getur verið mjög margþætt og brotakennt. Greinin fjallar um reynslu aðstoðarskólastjóra af hlutverki sínu og stöðu þegar kemur að stjórnun og forystu, og er byggð á viðtölum við átta aðstoðarskólastjóra sem valdir voru af handahófi úr hópi aðstoðarskólastjóra í grunnskólum Reykjavíkur. Helstu niðurstöður rannsóknarinnar eru þær að aðstoðarskólastjórar í Reykjavík sjá sjálfa sig sem stjórnendur skóla fremur en faglega leiðtoga, enda fer mestur tími þeirra í daglega stjórnun skólans, svo sem að leysa úr forföllum starfsfólks og koma að úrlausnum ýmissa mála er snúa að nemendum og starfsfólki. Aðstoðarskólastjórarnir vildu gjarnan geta sinnt faglegri forystu í meiri mæli en þeir gera, en þeir upplifa að í erli dagsins gefist þeim fá tækifæri til slíkrar forystu. Niðurstöðurnar vekja upp áleitnar spurningar um starfsumhverfi aðstoðarskólastjóra, stöðu þeirra og óskýrt hlutverk.
Highlights
The role of assistant principal is relatively new in the Icelandic school system
Eins og Sergiovanni (2009) hefur Gardner (2000) bent á að oft sé reynt að greina á milli stjórnenda og leiðtoga en hann hallast frekar að því að gera greinarmun á leiðtogum og þeim sem bæði eru leiðtogar og stjórnendur annars vegar og þeim sem aðeins eru stjórnendur en ekki leiðtogar hins vegar
Aðstoðarskólastjórarnir vildu allir nema einn hafa fleiri tækifæri til þess að sinna faglegri forystu og framþróun skólastarfsins, en þeim fannst þeir ekki hafa tíma til þess eða eiga erfitt með að forgangsraða þannig að þeir settu þessi verkefni framar á verkefnalistann
Summary
Hugtökin stjórnun (e. administration) og forysta (e. leadership) eru gjarnan notuð til þess að lýsa hlutverkum stjórnenda í skólum. Yukl (2013) hefur meðal annars bent á að þrátt fyrir fjölda skilgreininga á forystu virðist þær flestar eiga það sameiginlegt að forysta sé ferli þar sem einn aðili beitir viljandi áhrifum sínum á annan aðila eða hóp, til þess að leiðbeina, byggja upp eða auðvelda starfsemi eða sambönd innan skipulagsheildar. Eins og Sergiovanni (2009) hefur Gardner (2000) bent á að oft sé reynt að greina á milli stjórnenda og leiðtoga en hann hallast frekar að því að gera greinarmun á leiðtogum og þeim sem bæði eru leiðtogar og stjórnendur annars vegar og þeim sem aðeins eru stjórnendur en ekki leiðtogar hins vegar. Hér verða hugtökin fagleg forysta og kennslufræðileg forysta notuð jöfnum höndum um þá forystu sem snýr að faglegu starfi, svo sem varðandi áherslur í námi og kennslu og skólaþróun, þar með talin þróun kennsluhátta
Sign-in/Register to view highlights & summary 
Published Version (
Free)
Talk to us
Join us for a 30 min session where you can share your feedback and ask us any queries you have
Schedule a call