A difusión exterior do galego e a diáspora galega

Abstract

O obxectivo deste estudo é achegarnos á realidade da política de difusión exterior da lingua galega por parte da Xunta de Galicia e aclarar o seu significado e as relacións cos galegos emigrados e os seus descendentes. A Xunta de Galicia leva a cabo actividades de difusión como parte da política de normalización lingüística. Suponse que as seguintes dúas son as actividades principais de difusión deste idioma: (1) a promoción do galego para non-galegofalantes e (2) o mantemento de galego dos emigrantes galegos. O autor deste estudo presenta neste artigo que tipo de medidas toma cada parte involucrada analizando os datos obtidos da consulta bibliográfica e das entrevistas realizadas coas partes implicadas: a Secretaría Xeral de Política Lingüística, a Secretaría Xeral da Emigración, Centros Galegos e o Instituto Cervantes. Neste artigo analizaremos os casos de Arxentina, de Brasil e de Alemaña como exemplos da comunidade dos galegos emigrados. Tamén analizaremos as actividades que desenvolven os centros do Instituto Cervantes relacionadas coa difusión das linguas cooficiais de España.