Abstract
प्रस्तुत लेख सीताहरू–२३ कथाको विश्लेषणमा केन्द्रित रहेको छ । परशु प्रधानद्वारा लेखिएको यो कथा उनको सीताहरू कथासङ्ग्रहमा समाविष्ट छ । नेपाली साहित्यमा कथाकारको रूपमा विशिष्ट पहिचान बनाएका प्रधानले यस कथामा द्वन्द्वकालमा लोग्ने अपहरणमा परेपछि तीन वर्षसम्म ऊ मेरेको वा जीवित रहेकोबारे सूचना नपाएकी पत्नीको पीडालाई प्रस्तुत गरिएको छ । आयस्रोतको अभाव र पिताको अभिभावकत्व नपाएर छोराछोरी लागुपदार्थ दुव्र्यसनमा लाग्नु, देहव्यापारमा लाग्नुजस्ता अवस्थाले नारीका मनमा पर्ने चोटलाई कथाले प्रस्तुत गरेको छ । मानसिक अभिघातको प्रस्तुतिका दृष्टिले महत्त्वपूर्ण रहेको कथालाई अभिघात सिद्धान्तका सापेक्षतामा अध्ययन गरिएको प्रस्तुत लेख निगमनात्मक विधिमा आधारित रहेको छ । परशु प्रधानको सीताहरू–२३ लाई मुख्य स्रोत सामग्री बनाइएको यस लेखलाई सम्पन्न गर्न पुस्तकालयीय स्रोतबाट द्वितीय स्रोत सामग्रीको प्रयोग गरिएको छ । व्याख्यात्मक तथा विश्लेषणात्मक विधिको प्रयोग गरी अध्ययनलाई सम्पन्न गरिएको छ । परशु प्रधानद्वारा लेखिएको सीताहरू–२३ कथा अभिघातसिद्धान्तका दृष्टिले केकस्तो रहेको छ ? भन्ने मुख्य समस्यामूलक प्रश्नमा केन्द्रित रहेर अध्ययनलाई अगाडि बढाइएको छ भने निर्धारित कथालाई अभिघात सिद्धान्तका सापेक्षतामा अध्ययन विश्लेषण गर्ने उद्देश्य राखिएको छ । प्रस्तुत कथा मानसिक अभिघातको प्रस्तुतिका दृष्टिले महत्त्वपूर्ण रहेको निष्कर्ष निकालिएको छ।
Talk to us
Join us for a 30 min session where you can share your feedback and ask us any queries you have
Schedule a callSimilar Papers
Disclaimer: All third-party content on this website/platform is and will remain the property of their respective owners and is provided on "as is" basis without any warranties, express or implied. Use of third-party content does not indicate any affiliation, sponsorship with or endorsement by them. Any references to third-party content is to identify the corresponding services and shall be considered fair use under The CopyrightLaw.
