Abstract
هه‌رچه‌نده كو سه‌رهلدانا شعرا كلاسیكیا فارسى په‌یوه‌سته ب لاسایكرنا قه‌سیده‌یا عه‌ره‌بیا كه‌ڤن و گه‌له‌ك ژ ئه‌دگارێن قه‌سیده‌یا فارسیا ده‌ستپێكێ نێزیكن ژ قه‌سیده‌یا عه‌ره‌بى، لێ دگه‌ل ڤێ چه‌ندێ ژى ئه‌ڤ شعره خودان كۆمه‌كا تایبه‌تمه‌ندیانه كو پتر به‌رهه‌مێ ژینگه‌ها ئیرانیا قه‌سیدێنه، ئێك ژ ڤان تایبه‌تمه‌ندیان زالبوونا مۆركێ هه‌ڤره‌گه‌زخوازى(شاهدبازى) و له‌شكه‌ریێ كۆچكا ده‌ستهه‌لاتدارێن سامانى و غه‌زنه‌وى و سه‌لجوقى لسه‌ر ته‌غه‌زولێن ده‌ستپێكا قه‌سیده‌یانه. ل سه‌رده‌مێ ده‌ستهه‌لاتداریا ڤان ده‌وله‌تان و ژبه‌ر وان هێرش و داگیركاریێن كو ئه‌و پێ رادبوون؛ هه‌بوونا غولامان و بكارئینان وان بۆ مه‌به‌ستێن جۆراو جۆر و شانازیكرن ب سوپا و جه‌نگاوه‌ران ب تایبه‌تى غولامێن توركنه‌ژاد به‌شه‌كێ به‌رچاڤ ژ وێنه و ده‌ربرینێن غه‌زه‌لیێن شاعرێن فارس ب خۆڤه گرتیه. دیاره دگه‌ل ده‌ربازبوونا ده‌مى و ته‌نانه‌ت پشتى لاوازبوونا قالبێ قه‌سیده‌یێ ژى شاعرێن فارس به‌رده‌وام بووینه لسه‌ر لاسایكرنا ڤان تایبه‌تمه‌ندیان، هه‌تا وى راده‌ى كو پرانیا جاران ئه‌و خۆشتڤیا كو شاعرێن فارس باسدكه‌ن بریتیه ژ كوڕه‌كێ جه‌نگاوه‌ر و سه‌رنجراكێش.دیاره ئه‌ڤ دیارده‌یه ژ ئه‌نجامێ لاسایكرنا شعرا فارسى هاتیه ڤه‌گوهاستن بۆ ناڤ شعرا كوردى و گه‌له‌ك جاران شاعرێن كلاسیكیێن كورد ب ئاوا و بیانۆیێن جیاواز وه‌سفا خۆشه‌ویسته‌كێ نێر و جه‌نگاوه‌ر دكه‌ن یان ئه‌و وێنه‌یێن ئه‌و بكاردئینن به‌رهه‌مێ كاریگه‌ریا مۆركێ شاهدبازى و له‌شكه‌ریێ قه‌سیده‌یا سه‌بكێ خوراسانینه.
Talk to us
Join us for a 30 min session where you can share your feedback and ask us any queries you have
Schedule a callSimilar Papers
Disclaimer: All third-party content on this website/platform is and will remain the property of their respective owners and is provided on "as is" basis without any warranties, express or implied. Use of third-party content does not indicate any affiliation, sponsorship with or endorsement by them. Any references to third-party content is to identify the corresponding services and shall be considered fair use under The CopyrightLaw.
