Abstract
لێكدانه‌وه‌ی ئه‌و واتایانه‌ی له ده‌ق و گوتاردا وه‌ك ڕێكبه‌ندییه‌كی سه‌ربه‌خۆ هه‌ن، كاری ڕه‌خنه‌ی كه‌لتورییه له كایه‌ی سێمانتیكی ڕێكبه‌ندیدا . په‌ینه‌بردن به واتا به‌خشكه‌یی ده‌ربڕراوه‌كان له‌ڕێكبه‌ندییه كه‌لتورییه‌كاندا له غیابی ئاوه‌زمه‌ندی و باڵاده‌ستی سۆز و عاتیفه‌وه سه‌رچاوه ده‌گرێت و له ڕێی ڕه‌وانبێژی و شیعرییه‌ته‌وه له قاڵبی ده‌ق و گوتاردا ده‌بێت، ئه‌وه‌ش هۆكارێكه بۆ چاندنی گه‌لێك دیارده‌ی نالۆژیكی له كه‌لتوردا . كه‌لتوریش به ڕه‌گی كۆمه‌ڵدا ڕۆچووه و لێكجیاكردنه‌وه‌یان ئه‌سته‌مه. هه‌ربۆیه ئه‌م توێژینه‌وه‌یه كه به‌ناونیشانی (سێمانتيكى ڕێكبه‌ندى و ڕه‌خنه‌ی كه‌لتورى له زمانی كورديدا)یه ، هه‌وڵده‌دات له سێ به‌شدا و به پێڕه‌وكردنی میتۆدی په‌سنی شیكه‌ره‌وه‌یی و به‌سوود وه‌رگرتن له تیۆریی په‌یوه‌ندیكردن(communication) ی (ڕۆمان جاكۆبسون)، (سێمانتیكی ڕێكبه‌ندی) وه‌ك جۆرێكی نوێ له سێمانتیك بهێنێته ناو زمانه‌وانی كوردییه‌وه و له‌و واتا شاراوانه بكۆڵێته‌وه، كه له دروسته‌ی ڕێكبه‌ندی و ڕه‌خنه‌ی كه‌لتورییه‌وه سه‌رچاوه‌ده‌گرن و جیاوازن له واتای زمانیی و ئه‌ده‌بی ده‌ق و گوتار . له زمانی كوردیدا ئه‌وه یه‌كه‌مجاره ده‌ست بۆ بابه‌تی سێمانتیكی ڕێكبه‌ندی ده‌برێت، ئه‌وه‌ش گرفتی توێژینه‌وه‌كه‌یه . چۆنییه‌تی په‌یبردن به واتا ڕێكبه‌ندییه شاراوه‌كانی پشت ده‌ق و گوتاری كوردی ئامانجی توێژینه‌وه‌كه‌یه، كه هه‌وڵده‌درێت به‌پێی بنه‌ماكانی سێمانتیكی ڕێكبه‌ندی ڕوون بكرێته‌وه .
Talk to us
Join us for a 30 min session where you can share your feedback and ask us any queries you have
Schedule a callSimilar Papers
Disclaimer: All third-party content on this website/platform is and will remain the property of their respective owners and is provided on "as is" basis without any warranties, express or implied. Use of third-party content does not indicate any affiliation, sponsorship with or endorsement by them. Any references to third-party content is to identify the corresponding services and shall be considered fair use under The CopyrightLaw.
