Translate 
Abstract
گوهداریکرنا فەرمۆدا پیرۆز ژ لایێ زانا و قوتابی و داخازکەرێن زانینێ یێن کورد د وەرزێن حەجێدا رول د پێشکەفتنا ژیانا زانستى ل حەرەمێن پیرۆز هەبوو، چونکى سالانە هژمارەکا زۆر ژ زانا و شێخێن ناڤدار ل هەمى جیهانا ئیسلامى بۆ گرێدانا زنجیرە و روینشتنێن گوهداریکرنا فەرمۆدەیان دچوونە مەکەهێ و مەدینێ، ئانکو ئەڤە وەکو دەرفەتەکا زێڕین و دەگمەن بوو بۆ داخازکەرێن زانینێ و ب تایبەت زانستێ فەرمۆدێ هاتییە هژمارتن، لەوڕا هژمارەکا تا رادەیەکێ زۆر ژ قوتابێن کورد بۆ مەرەمێن ئاینی و زانستى و بۆ گوهداریکرنا فەرمۆدەیان سەرەدانا حەرەمێن پیرۆز کریە، ب تایبەت د چەرخێن (8-9مش/14-15ز)دا،هەژى ئاماژە پێدانیە، کو پشتى چەرخێ (6مش/12ز) پتر زانا و فەرمۆدەناس و قوتابیێن زانینێ یێن کورد بەرەڤ مسرێ و حیجازێ چووینە ژ بەغدا و وەلاتێ شامێ، ئەڤە ژى ژ ئەگەرێ بارودوخێن سیاسی بوو یێن ئەو وەلاتە تیدا بورین، هەر دیسان پتریا ڤان کەسان ل مەکەهێ یان مەدینێ ئاکنجى دبوون. زنجیرە و روینشتنێن گوهداریکرنا فەرمۆدەیان ب شێوەیەکێ سەرتاسەرى و بەردەوام ل حەرەمێن پیرۆز و ب تایبەت ل وەرزێن حەجێدا دهاتن گرێدان، ئەڤ زنجیرە ئێک ژ رێکین گرنگ بوون کو رولەکێ زۆر د بەلاڤکرنا فەرمۆدەیاندا هەبوو، و نە بتنێ کوردان گوهداری کرییە بەلکو زانایێن کورد هەبووینە ئەڤ زنجیرە برێڤەبرینە و کەسانێن زۆر ئامادەبووینە, دیسان نە بتنیى زەلامێن کورد بەلکو ژنا کورد ژى بۆ گوهداریکرنا فەرمۆدەیان بەرەڤ حەرەمێن پیرۆز چووینە و شیایینە رولێ خو ببینن.
Published Version
Join us for a 30 min session where you can share your feedback and ask us any queries you have
Schedule a call
